काठमाडौं । राष्ट्रिय क्रिकेट टोलिको प्रमुख प्रशिक्षक पदमा ७७ जनाको आवेदन परेको छ । त्यस्तै नेपाल क्रिकेट संघले प्रमुख प्रशिक्षक, महाप्रबन्धक, प्रमुख वित्त अधिकृत, सात प्रदेशका लागि सात जना स्थानीय प्रशिक्षक र क्रिकेट म्यानेजरका लागि आवेदन आव्हान गरेको थियो ।
प्रमुख प्रशिक्षकका विशेष गरी दक्षिण एशियाली देशहरुबाट केही दक्षिण अफ्रिकाबाट समेत आवेदन परेको जनाइएको छ । भारत, श्रीलङ्का, पाकिस्तान तथा दक्षिण अफ्रिकाबाट प्रमुख प्रशिक्षकका लागि आवेदन परेको जनाएको छ ।
छनोट गरेको सूची आईसीसीले क्यानलाई पठाउने र आईसीसीले जारी गरिएको मापदण्ड बमोजिम पहिलो चरणमा छोट्याएर दश जनाको सूची क्यानलाई पठाइने छ ।
आईसीसीबाट सूची प्राप्त हुनासाथ समिति बनाएर थप छनोट, अन्तवार्ता र नियुक्ति प्रकृया अगाडि बढाइने नेपाल क्रिकेट संघले जनाएको छ । अन्तिम छनोट चरणमा आईसीसीको सहमति लिएर नियुक्त गरिने छ ।
File photo
