किसानलाई ‘फ्रन्टलाइन वर्कर’ घोषणा गरी कोरोना बिरुद्धको खोपको व्यवस्था मिलाउन फोर एच नेपालको माग

आजभोलि

काठमाडौं । फोर एच नेपालले एक वक्तव्य जारी गरी किसानलाई तत्काल कोराना बिरुद्धको खोप उपलब्ध गराउन माग गरेको छ । साथै, किसानलाई फ्रन्टलाइन वर्कर तथा कृषिलाई उच्च जोखिमयुक्त क्षेत्र घोषणा गर्न पनि सरकारसँग माग गरिएको छ ।

फोर एच नेपालका अध्यक्ष लोकराज अवस्थीद्वारा जारी गरिएको वक्तव्यमा अगाडि भनिएको छ, किसानलाई मल र बीउ खरिद गर्न तथा कृषिजन्य सामाग्री बजारसम्म पुर्याउन कठीनाई भएकाले किसानका लागि स्थानीय तहबाटै पासको व्यवस्था गर्न भनिएको छ ।

वक्तव्यमा भनिएको छ, सुदुरपश्चिमका पहाडी जिल्लाहरुमा असिनापानी तथा खराब मौसमको कारण उत्पादनमा कमी आएको भन्दै तत्काल खाद्यान्न उपलब्ध गराउन तथा किसानलाई उचित क्षतिपूर्ती उपलब्ध गराउनका लागि नेपाल सरकारसँग माग गरिएको छ ।

बिगत वर्षजस्तै यो वर्ष पनि मलको समस्या देखिन सक्ने भन्दै तत्काल किसानलाई मल उपलब्ध गराउने व्यवस्था मिलाउन वक्तव्यमा भनिएको छ । साथै, किसानले लिएको कृषि ऋणलाई सहुलियत दिन र ब्याज तिर्ने समयसिमा बढाउन पनि वक्तव्यमा भनिएको छ ।

अवस्थीद्वारा जारी वक्तव्यमा भनिएको छ, आगामी वर्षको नीति तथा कार्यक्रममा किसानका लागि विशेष व्यवस्था गर्न तीनै तहका सरकारसँग जोडदार माग गरिएको छ ।

कोभिड १९ को दोस्रो भेरियन्टले महामारीको रुप लिएसँगै नेपाल सरकारले गरेको लकडाउनको कारण कृषि व्यवसाय तथा किसानहरुले ठूलो समस्या झेल्दै आइरहेका र कृषि उत्पादन, बजारीकरण तथा उद्यमशिलतामा दिनानुदिन थप नयाँ समस्या तथा चुनौतीहरु थपिदै गइरहेको फोर एच नेपालको ठहर रहेको वक्तव्यमा भनिएको छ ।

 

  • ११ जेष्ठ २०७८, मंगलवार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ३. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ४. गिरिजा-प्रचण्डले अर्ज्याको गणतन्त्रमा ओलीराज !
  • ५. सरिता गिरीको दाबी, मधेश अलग राष्ट्र हो !
  • ६. फेमिली पिस एसोसिएसन नेपालद्वारा अध्यात्म ज्ञान ओलम्पियाड आयोजना हुँदै
  • ७. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • ८. नेकपा अर्थात् गफाडी क्लब !
  • ९. स्ववियु निर्वाचन र नेविसघंको भूमिका
  • १०. सुनिल थापा काँग्रेसको सहमहामन्त्रीमा मनोनित