काठमाडौं । हिजोराति भएको फाइनलमा खेलमा इंल्यान्डलाई पेनाल्टी सुटआउनमा तीन, दुई गोल अन्तरले इंल्यान्डलाई पछिपार्दै इटालीले उपाधि हात पारेको हो । इटालीले यो दोस्रो पटक युरो कपको जित हासिल गरेको हो । यसअघि इटालीले सन् १९६८ मा युरो कपको जितेको थियो । तर, इंल्यान्ड भने पहिलो पटक युरो कपको उपाधिका लागि फाइनलमा पुगेको हो ।
वेम्बली सटेडियममा निर्धारित ९० मिनेट र अतिरिक्त समयको खेल एकएक गोलको बराबरीमा टुंगिएको थियो । त्यसपछि पेनाल्टीमा इटाली बाजी मार्न सफल भएको हो । पेनाल्टीमा इटालीका डोमिनिको बेरार्डी, लियोनार्दो बुनिची र फेडेरिको बेर्नाडेस्चीले गोल गरेका थिए । आन्द्रे बेलोट्टी र जोर्गिन्होको प्रहार इंल्यान्डका गोलकिपर जोर्डन पिकफोर्डले छेकेका थिए । इंल्यान्डका ह्यारी केन र ह्यारी मग्वाएरले मात्र गोल गरे ।
मार्कुस राषफोर्डको प्रहार पोस्टमा लागेर फर्कदा जाडोन सान्चो र साका बाकुयोको प्रहार इटालीका गोलकिपर जियानलुइजी डोनारुम्माले रोकेका थिए । त्यसअघिका खेलमा सुरुवाती अग्रता इंग्ल्यान्डले बनाएको थियो । खेलको तेस्रो मिनेटमा लुक शले गोल गर्दै इंल्यान्डलाई अगाडि बढाएका थिए । खेलको ६७ औं मिनेटमा लियोनार्दो बुनिचीले गोल गर्दै इटालीलाई एक एक गोलको बराबरीमा फर्काए ।
मार्को भेराट्टीको हेडर पोस्टमा लागेर फर्किएको बलमा उनले गोल गरेका थिए । इंल्यान्डको जितसँगै इटालीले ३४ खेलसम्म अपराजित यात्रालाई कायम राख्न सफल भएको छ । इटालीले सेमिफाइनलमा तीन पटकको च्याम्पियन स्पेनलाई पेनाल्टीमै हराएर फाइनल यात्रा तय गरेको हो ।
इटालीले स्पेनलाई पेनाल्टी सुटआउटमा चार दुई गोलअन्तरले पराजित गरेको थियो । इंल्यान्डले भने डेनमार्कलाई हराएर इटालीसँगको भिडन्त पक्का गरेको थियो ।े डेनमार्कलाई अतिरिक्त समयमा इंल्यान्डले दुई एक गोलअन्तरले पराजित गरेको थियो ।
