काठमाण्डौं। नेपाल उत्रिदेखि नै नेपालका राजनीतिक नेताहरूसँग वाक्लो भटेघाटमा जुटेकी एमसिसिकी उपाध्यक्ष फतिमा जड सामुरले शुक्रवार बिहानै नेकपा माओवादी अध्यक्ष पुष्पकमल दाहाल प्रचण्डलाई भेटेकी छन् । सामुर र प्रचण्डबीच खुमलटारमा कुराकानी भएको थियो ।
भेटमा फतिमाले प्रचण्डलाई एमसिसिको सन्दर्भमा मनाउने कोशिश गरेकी छिन्। उनले प्रचण्डलाइ एमसीसी सुरक्षा रणनीतिको अंग नभएको प्रष्ट पारेकी छिन्। उनको यस्तो प्रष्टोक्ति आएपनि अध्यक्ष दाहालले भने अहिले नै एमसीसी पास गर्ने अवस्था नरहेको वताएका छन्।
उनले एमसीसीको बारेमा केही शंका रहेको र यसका बारेमा प्रश्न उठेको छ । त्यस कारण त्यो भ्रम निवारण नभइकन पास गर्न कठिन हुने बताएका छन् । दाहालसँगको भेटमा फतिमाले एमसीसीको पक्ष र फाइदाकोबारेमा बताएकी थिइन्। त्यस्तो भए तापनि प्रचण्डले भने विवादको बेलामा एकल ढंगले एमसीसीअघि बढाउन नसकिने बताएका हुन् ।
उनले यसमा राष्ट्रिय सहमति खोज्नु पर्ने विचार अघि सारेका छन् । चार दिने भ्रमणमा नेपाल आएकी फतिमाले दोस्रो दिन आज अध्यक्ष दाहाललाई भेटेकी हुन् । उनले शीर्ष नेताहरुसँगको भेटघाट नेकपा एमाले अध्यक्ष तथा पूर्व प्रधानमन्त्री केपी शर्मा ओलीबाट थालेकी हुन् ।
