अर्थ जङ्ग शाही
बझाङ । बझाङमा ट्रकले मोटरसाइकललाई ठक्कर दिँदा एक युवतीको मृत्यु भएको छ ।
जिल्लाको केदारस्युँ गाउँपालिका–२ र ४ को बिच बज्वामा मालबाहक ट्रकले ठक्कर दिँदा हेयर नेपालमा कार्यरत दुर्गाथलि गाउँपालिका–३ रकैल घर अन्दाजी २३ २४ वर्षीय अमृता खत्रीको मृत्यु भएको हो ।
आज सोमबार बिहान सदरमुकाम चैनपुरदेखि बागथाला तर्फ गइरहेको सुपप्र ०१०१ ० प ५३१७ नम्बरको मोटरसाइकललाई धनगढीबाट बझाङ आइरहेको सुपप्र ०१००१ ख ३०७१ नम्बरको ट्रकले ठक्कर दिँदा मोटरसाइकल पछाडि सवार खत्रीको घटना स्थलमै मृत्यु भएको प्रहरीले जनाएको छ ।
ट्रक चालक बैतडीको पुर्चौडि नगरपालिका–६ का दिपेन्द्र साउँदलाई प्रहरीले नियन्त्रणमा लिएका छन् भने मोटरसाइकल चालक जयपृथ्वी नगरपालिका–७ का नारायण जोशी फरार रहेको प्रहरीले जनाएको छ।
