काठमाडौं । प्रहरीले अप्रेशन ‘फोक्सट्रोट चार्ली’ मा थप एक जना महिला डाक्टरलाई नियन्त्रणमा लिएको छ ।
पक्राउ पर्नेमा डा एरिना यादव रहेको छिन् । अप्रेशन ‘फोक्सट्रोट चार्ली’ अन्तरगत केन्द्रीय अनुसन्धान ब्युरो (सीआईबी)ले हालसम्म एरिना, सांसद डा सुनील शर्मासहित ५ जनालाई पक्राउ गरेको छ ।
यसअघि पक्राउ पर्नेमा शर्मासहित डा रामबाबु यादव, अमृत चौधरी र डा रञ्जित कुमार यादव रहेका छन् ।
अमृत चौधरी त्रिवि शिक्षण अस्पतालका डाक्टर हुन् भने सुनिल बाहेकका अन्य पनि विभिन्न अस्पतालमा कार्यरत थिए । शर्मा मेडिकल व्यवसायी हुन् भने सांसद भएपछि संसदीय मोर्चामै व्यस्त थिए ।
यस प्रकरणमा पक्राउ परेकाहरुमाथि अनुसन्धान भइरहेको प्रहरीले जजाएको छ । सबैले प्रमाणपत्र कीर्ते गरेर डाक्टर बनेको उजुरी परेपछि छानबिनमा दोषी देखिएको बताइएको छ ।
