काठमाडौं । १२ जना सशस्त्र प्रहरी उपरीक्षक (एसपी) को नाम  सशस्त्र प्रहरी बल नेपालको रिक्त सशस्त्र प्रहरी वरिष्ठ उपरीक्षक (एसएसपी) मा सिफारिस गरिएको छ ।

सशस्त्र प्रहरीमा प्रहरी निरीक्षक (इन्स्पेक्टर) बाट भर्ना भएका दोस्रो ब्याचीहरूको एसएसपीमा बढुवा सिफारिस भएको हो । उनीहरू २०७५ साल चैत १५ गते एसपीमा बढुवा भएका अधिकृतहरू हुन् ।

यही ब्याचका १५ जना २०७७ जेठ ५ गते एसपी बढुवा भएका थिए भने  बिहीबार बढुवा सिफारिस भएका सबै पहिलो चरणमा एसपी भएकाहरू मात्रै हुन् । सो समूहका १५ जना यसअघि नै एसएसपी भइसकेका छन् । बाँकी १९ मध्ये आज १२ जनाको नाम सिफारिस गरिएको स्रोतले जनाएको छ ।

सशस्त्र प्रहरी महानिरीक्षक राजु अर्यालले संगठनको नेतृत्व सम्हालेदेखि वृत्ति विकासमा ध्यान दिँदै संगठनलाई नीति नियमअनुसार अघि बढाउन खोजेसँगै सरूवा–बढुवा लगायतमा व्यापक परिवर्तन गर्दै पारदर्शी ढंगले काम हुन थालेको सशस्त्र प्रहरी बलले जनाएको छ ।

साउन महिनामा मात्रै एसएसपीदेखि सहायक हवल्दारसम्म ६ हजार भन्दा बढी कर्मचारीको एकैपटक बढुवा भएको छ ।
हेर्नुहोस् पूर्णपाठ