काठमाडौं । पत्रकार वसन्तप्रताप सिंहको पुस्तक ‘साइपाल हिमाल’ बजारमा सार्वजनिक गरिएको छ ।

हिजो बिहीबार नेपाल पर्वतारोहण संघको वार्षिक साधारणसभामा सिंहको उक्त पर्यटकीय पुस्तक लोकापर्ण गरिएको हो । पुस्तकको लोकार्पण नेपाल सरकारका उपप्रधानमन्त्री तथा गृहमन्त्री नारायणकाजी श्रेष्ठ र संस्कृती, पर्यटन तथा नागरिक उड्डयन मन्त्री सुदन किराँतीले संयुक्त रुपमा गरेका थिए ।

डेढ दशकदेखि पत्रकारितामा आवद्ध सिंहले बझाङमा बसेर सुदूरपश्चिम र कर्णाली क्षेत्रका सवालहरुमा कलम चलाउँदै आएका छन् । यस क्षेत्रको पर्यटन सम्भावना, चुनौती र अवसरहरुका बारे थुप्रै समाचार र आलेखहरु लेखिसकेका सिंहको पुस्तकले यस पर्वतिय पर्यटन प्रर्वद्धनमा टेवा पुग्नेछ । २२ पटक साइपाल क्षेत्रको यात्रा गरिसकेका सिंहले अहिलेसम्मको यात्राका दौरान संकलन भएका तस्विरहरुमा साइपालको जनजिवन, संस्कृती, भुदृष्य र पर्वतारोहण सम्बन्धी विभिन्न जानकारी पनि पुस्ककमा समावेश गरेका छन् ।

समुन्द्री सतहदेखि ७,०३१ मिटर उचाइमा रहेको साइपाल हिमाल सुदुरपश्चिम प्रदेशमा अपी हिमालपछिको दोस्रो अग्लो हिमाल हो ।

हिमाल आरोहणमा रुची राख्ने विदेशीहरुलाई साइपाल चिनाउन लक्षित उनको पुस्तकमा साइपाल क्षेत्रको समग्र परिचय दिएको छ । साइपाल र सुदूरका हिमाल प्रति जिज्ञाशा राख्ने र जानकारी लिन चाहानेहरुका लागि यो पुस्तक संग्रहणिय छ ।