काठमाडौं । नेपाल टेलिकमले पुस १७ गतेबाट उपत्यका र पोखराका केही स्थानमा पछिल्लो विकसित प्रविधि फोरजी सन्चालनमा ल्याएको छ । फोरजी सेवाको सूचना तथा सन्चारमन्त्री सुरेन्द्रकुमार कार्कीले उद्घाटन गरे ।
टेलिकमले जनाए अनुसार फोर जी सेवाबाट इन्टरनेट चलाउदा १ एमबी डाडाको १ रुपैयाँ लाग्ने छ । हालको थ्रीजीको तुलनामा फोरजी सेवा ५ गुणा बढी दु्रतगतिमा सन्चालन हुने टेलिकमको दाबी छ । टेलिकमले ३२ दशमलव ४ एमबीपीएस डाटा क्षमताको फोरजी सेवा सन्चालनमा ल्याएको हो ।
फोरजी सेवा परियोजनाको कुल लागत ३६ लाख डलर अर्थात् ३८ करोड ८८ लाख रुपैयाँ रहेको टेलिकमले जनाएको छ ।
टेलिकमले आफ्नो वार्षिकोत्सवका दिनदेखि प्रिपेडमा पनि यो सेवा विस्तार गर्ने प्रवक्ता प्रतिभा वैद्यले बताइन् ।
टेलिकमकी प्रबन्ध निर्देशक कामिनी राजभण्डारीले फोरजी सेवाले सेवाग्राहीमा विविधता थपेको भन्दै यसलाई विस्तार गर्दै लैजाने बताइन् ।उनले ३२ दशमलव ४ एमबीपीएसको गतिलाई बढाउने तयारी सुरु भैसकेको उनले बताइन् ।
विश्व बजारमा फोरजी सेवा ७ वर्षअघि सुरु भएको हो । फोर जी सेवा थ्री जीकै दर रेटमा चलाउन सकिने टेकिमले जनाएको छ ।
