पोखरा। गण्डकी प्रदेशमा थप २४ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालयले मंगलबार बिहान विज्ञप्तिमार्फत थप २४ जनामा संक्रमण देखिएको जानकारी दिएको हो । पोखरा स्वास्थ्य विज्ञान प्रतिष्ठानको प्रयोगशालामा गरिएको परिक्षणमा नवलपरासी पूर्वका १२, बागलुङका ११, र म्याग्दीका १ जनामा कोरोना संक्रमण पुष्टि भएको छ । संक्रमित सबै पुरुष १८ देखि ४९ वर्ष उमेर समूहका रहेका छन् ।

योसँगै प्रदेशमा कोरोना संक्रमितको संख्या १ सय ४४ पुगेको छ । यसमध्ये ४ जना निको भएका छन् भने एक जनाको मृत्यु भएको छ ।

संक्रमितहरुलाई सम्बन्धित जिल्लाको सरकारी अस्पतालको आईसोलेसन कक्षमा लैजाने तयारी भैरहेको प्रदेश स्वास्थ्य निर्देशनालयले जनाएको छ ।