महाधिवशेनलाई लक्षित गरेर नयाँ क्रियाशील सदस्यता वितरण गर्ने कांग्रेसको तयारी

आजभोलि

प्रमुख प्रतिपक्षी नेपाली कांग्रेसले कोरोना महामारीकाबीच पनि पार्टीको आशन्न महाधिवेशनको तयारीलाई तिव्र पार्ने निर्णय गरेको छ ।

बुढानिलकण्ठस्थित पार्टीसभापति शेरबहादुर देउवाको निवासमा बिहीबार बसेको पदाधिकारी र पूर्वपदाधिकारीको बैठकले आशन्न महाधिवेशन, कोरोना महामारीले पुर्याउने असरकाबारेमा छलफल गर्दै महाधिवेशनको तयारीलाई तिव्र पार्ने निर्णय गरेको हो । बैठकमा हाल कायम क्रियाशील सदस्यतामा शतप्रतिशत बढाउनेबारे छलफल भएको थियो ।

आगामी महाधिवशेनलाई लक्षित गरेर हाल कायम संख्याको शतप्रतिशत नयाँ क्रियाशील सदस्यता वितरण गर्ने कांग्रेसको तयारी छ । बैठकमा पार्टीका भ्रातृसंस्थाहरुको म्याद थप र विस्तार, १३ औं महाधिवेशनको समयमा गठन गरिएको क्रियाशील सदस्यता छानबिन समितिको प्रतिवेदन, १४ औं महाविधेशनका लागि गठन गरिने क्रियाशील सदस्यता छानबिन समिति, अन्य दलबाट आएका नेता कार्यकर्ताहरुको समायोजनलगायत विषयमा छलफल भएको प्रवक्ता विश्वप्रकाश शर्माले जानकारी दिए ।

बैठकले कोरोना महामारीकाबीच सरकारले यसको रोकथाम र नियन्त्रणका लागि प्रभावकारी काम गर्न नसकेको निष्कर्ष पनि निकालेको छ भने पीसीआर परिक्षण बढाउनुपर्ने मागसहित अनसनमा बसेकाहरुको माग पूरा गर्नुपर्नेमा पनि कांग्रेसको जोड रहेको प्रवक्ता शर्माले बताए ।

बैठकमा कांग्रेस बरिष्ठ नेता रामचन्द्र पौडेलले सभापतिले गठन गरेको बिभाग खारेज हुनुपर्ने अडान राखेका थिए । उनले जिल्लामा समायोजन सकिएकालाई फोरम दिनुपर्ने, पार्टी प्रवेशका लागि वडाबाटै सदस्यता दिनुपर्ने, भातृसंगठनको म्याद थपलाई पुनर्विचार गर्नुपर्ने माग रहेको जानकारी दिए ।

  • २२ श्रावण २०७७, बिहीबार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • ३. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ४. जीत बहादुरको कोरोना जीतेको कथाः श्वास फेर्न गारोभएपछि बाँच्दिन कि भन्ने डर लाग्यो !
  • ५. स्ववियु निर्वाचन र नेविसघंको भूमिका
  • ६. नेपाली कांग्रेसको आगामी बाटोः लोकतान्त्रिक समाजवाद की उदारवाद ?
  • ७. एशियन कृषि समिटद्वारा १५ बुँदे घोषणा पत्र जारी
  • ८. पुडासैनी आत्महत्या प्रकरणः रवि लामिछानेले पाए सफाई
  • ९. एशियाली खेलकुदको भव्य उद्घाटन
  • १०. डा. गोविन्द केसीमाथि प्रहरीको दुर्व्यवहार क्रुरताको पराकाष्ठा : गगन थापा