काठमाडौं र अर्थ तथा सञ्चार तथा सूचना प्रविधिमन्त्रीडा. युवराज खतिवडाले आफ्नो पदबाट राजीनामा दिएका छन् । उनले बालुवाटारमा प्रधानमन्त्री खड्ग प्रसाद ओलीलाई भेटेर राजीनामा दिएको बालुवाटार स्रोतले जानकारी दियो । राजीनामा लगत्तै उनी आफ्नो निजी निवास फर्केको स्रोतले जानकारी दिएको छ ।
बिहीबार बसेको नेपाल कम्युनिस्ट पार्टी (नेकपा) को सचिवालय बैठकले राष्ट्रियसभा सदस्यमा रहेका रिक्त एक सिटमा उपाध्यक्ष वामदेव गौतमलाई सिफारिस गर्ने निर्णय गरेको थियो । आज मन्त्रीपरिषदको बैठकले बामदेव गौतमलाई सिफारिस गरेको थियो । खतिवडाको पद समाप्त भएपछि उनी स्वतः पदमुक्त हुने कानुनी व्यवस्था रहेको थियो ।
जनता तथा व्यवसायीहरुलाई नचाहिदो कर लगाएको, जनतालाई कोरोनाको महामारीमा पनि राहत उपलब्ध गर्न नसकेको तथा अर्थतन्त्र घाटामा चलाएको लगायतका आरोप सहित उनी निकै आलोचित बन्दै आइरहेका छन् । नेकपाभित्रै पनि उनको लामो समयसम्म आलोचना भइरहेको छ । तर प्रधानमन्त्री ओलीका प्रिय पात्र भएकाले उनलाई हटाउन सकेको अवस्था थिएन ।
