काठमाडौं । २३ औं गणेशमान सिंह स्मृति दिवसमा काठमाडौंमा रक्तदान सम्पन्न भएको छ । काठमाडौंको विजय मेमोरियल माध्यमिक विद्यालयमा रक्तदान कार्यक्रम आयोजना गरिएको आयोजक शारदा लामाले बताए । उक्त रक्तदान कार्यक्रममा ३२ जनाले रक्तदान गरेको उनले जानकारी दिए । 
रक्तदान कार्यक्रमको आयोजना युवा सृजनशील समाज नेपाल नामक संस्थाले आयोजना गरेको थियो । कार्यक्रमको सहयोगी संस्थाको रुपमा ब्लड डोनर्स एशोसियशन नेपालले सहयोग गरेको आयोजकले बताए ।
रक्तदान कार्यक्रमको संयोजक शारदा लामाले गणेशमान सिंहको २३ औं स्मृति दिवस तथा संविधान दिवसको अवसर पारेर कार्यक्रम आयोजना गरेको बताए । उनले भनिन, कोरोनाको कहरमा अस्पतालहरुमा रगतको अभाव भएर विरामीको उपचारमा कठीनाई भइरहेकोले आवश्यक विरामीको उपचारमा रगतको अभाव नहोस भनेर रक्तदान कार्यक्रम आयोजान गरेको बताए । 
कार्यक्रममा नेपाली कांग्रेस जिल्ला कार्यसमितिका सभापति सबुत कृष्ण बानिया, स्थानीय जनप्रतिनिधि तथा रक्तदाताको उपस्थिति रहेको थियो । कार्यक्रममा नेपाल विद्यार्थी संघका पूर्वमहामन्त्रीद्वय मनोजमणी आचार्य तथा प्रतिमा गौतमको समेत उपस्थिति रहेको जनाइएको छ ।
