ऐजेन्सी । न्यूयोर्क टाइम्सका अनुसार अमेरिकी राष्ट्रपति डोनाल्ड ट्रम्पको चीनको एक बैंकमा खाता रहेको जनाएको छ । यस बैंकमा सन् २०१३ देखि २०१५ सम्म ट्रम्पको इन्टरनेशनल म्यानेजमेन्टले स्थानीय कर भुक्तनाी गरेको रकेर्ड देखिएको न्यूयोर्क टाइम्सले रिपोट छापेको छ ।
ट्रम्पका प्रवक्ताका अनुसार यो खाता एशियन मुलुकहरुमा होटल व्यवसायका लागि खोलिएको हो । राष्ट्रपति ट्रम्पको ट्याक्स रेकर्ड अनुसार उनले व्यक्तिगत तथा कम्पनिको नामबाट यस खाता मार्फत ट्याक्स तिरेको रेर्कड भेटिएको छ ।
उक्त पत्रिकाको पछिल्लो रिपोर्ट अनुसार ट्रम्पले चाइनीज बैंकमा स्थानीय करको रुपमा १,८८,५६१ अमेरिकी डलर भुक्तानी गरेको जनाएको छ । ट्रम्पको चाइनीज बैंकमा खाता भएको रिपोट छापेपछि उनको आलोचना बढेको छ ।
ट्रम्प आफू चीन बिरोधी रहेको भन्दै विगत चार वर्षदेखि चिनीया नीतिको कडा आलोचना गर्दै आइरहेका थिए । यही नोभेम्बर तीनमा हुने अमेरिकी राष्ट्रपति निर्वाचनमा चीनसँगको सम्बन्ध तथा नीति मुख्य मुद्दाको रुपमा रहेको छ ।
न्यूयोर्क टाइम्समा यो रिपोर्ट छापेपछि ट्रम्पको निकै आलोचना भइरहेको छ । यस घटनाले उनको चुनावी माहोललाई समेत प्रभाव पर्ने विश्लेषकहरुले बताएका छन् । अमेरिका भरी यस विषयले चर्चा पाएको छ ।
Photo: cnn.com
