अमेरिका । अमेरिकको सर्वोच्च अदालतको न्यायाधिशमा सिफारिस गरिएकी एमी कोनी ब्यारेटले सपथग्रहण गरेकी छिन् । अमेरिकी राष्ट्रपति डोनाल्ड ट्रम्पले एमी कोनी ब्यारेटलाई मनोनयन गरेका थिए ।
सिनेटमा आज भएको मतदानमा ५२ मतले ब्यारेटको मनोनयन सदर भएसँग उनले संवैधानिक सपथग्रहण गरेकी हुन् । विपक्षमा ४८ मत खसेको थियो ।
सपथग्रहण समारोहमा बोल्दै अमेरिकी राष्ट्रपति डोनाल्ड ट्रम्पले ब्यारेटको बौद्धिकताको समेत प्रशंसा गर्दै आजको दिनअमेरिकाका लागि महत्वपूर्ण भएको बताएका छन् ।
एमीले अब न्यायिक सपथ लिने छिन् ।
न्यायाधिस रुथ बेडर गिन्सबर्गको निधनपछि रिक्त स्थानमा ब्यारेटको नाम सिफारिस गरिएको थियो । अब अमेरिकाको सर्वोच्च अदालतमा कन्जरभेटिभ न्यायाधिसको भारी बहुमत भएको छ ।
ब्यारेट यस अगाडि पुनरावेदन अदालतमा रहेकी थिइन् । उनको नियुक्तीपछि सर्वोच्चमा रिपब्लिकन नियुक्त न्यायाधिसको संख्या ६ र डेमोक्र्याट्स नियुक्त न्यायाधिसको संख्या ३ भएको छ ।
४८ बर्षकी ब्यारेटलाई सेभेन्थ सर्किट कोर्टमा डोनाल्ड ट्रम्पले नै सिफारिस गरेका थिए । पुनरावेदनमा सन् २०१७ को अक्टोबर ३१ मा उनको नियुक्ती सिनेटले पारित गरेको थियो ।
