बझाङ । नेपाली कांग्रेस जिल्ला कार्यसमिति बझाङको बैठक यही मंसिर ५ गते बस्ने जनाइएको छ । जिल्ला सभापति हक जंग बहादुर सिंहका अनुसार उक्त बैठक जिल्ला कार्यालय चैनपुर बझाङमा बस्ने जनाइएको छ ।
बैठकमा जिल्लामा सक्रिय सदस्यता नबिकरण तथा नयाँ वितरणका लागि कार्यकालिका सार्वजनिक हुने जनाइएको छ । जिल्लाभरी सक्रिय सदस्यता वितरणका लागि केन्द्रीयस्तरमा नेता बझाङ जाने भएका छन् ।
पूर्वमन्त्री त्रय डा. सुरेश मल्ल, अर्जुन जंग बहादुर सिंह तथा नरेश बहादुर सिंह जिल्ला कार्यसमितिको बैठकका लागि जिल्ला जाने जनाइएको छ । नेपाली कांग्रेसका संघीय सांसद प्रकाश स्नेही रसायली लगायत पूर्व जिल्ला सभापतिहरु तथा जिल्ला नेता लगायतको उपस्थिति रहने जनाइएको छ ।