कोरोना संक्रमणबाट विश्वमा एकैदिन १० हजार भन्दाबढीको मृत्यु

आजभोलि

पछिल्ला केही दिनयता कोरोना संक्रमणको दर बढ्दै गइरहेका बेला विश्वमा कोरोना संक्रमणका कारण मृत्यु हुनेको संख्यामा भने नयाँ रेकर्ड कायम भएको छ । पछिल्लो २४ घण्टामा १० हजार भन्दाबढी संक्रमितको मृत्यु भएसंगै कोरोना संक्रमणबाट मृत्यु हुनेको संख्या १२ लाख ८९ हजार ४९३ पुगेको छ ।

विश्वमा एकैदिन कोरोना संक्रमणका कारण मृत्यु भएको यो संख्या अहिलेसम्मकै उच्च हो । जाडो मौसम सुरुभएसँगै संक्रमितको संख्या बढ्दै जाँदा युरोपभरि नै मृतकको संख्या बढ्दै गएको छ । दोस्रो लहरको संक्रमण उच्च भएको युरोपमा मात्रै पछिल्लो २४ घण्टामा ४ हजार ७ सयभन्दाबढीको मृत्यु भएको छ ।

यस्तै पछिल्लो २४ घण्टामा विश्वभर ६ लाख ३ हजार भन्दाबढी संक्रमित थपिएका छन् । योसँगै विश्वमा संक्रमितको संख्या ५ करोड २४ लाख २९ हजार ६८२ पुगेको छ । संक्रमितमध्ये ३ करोड ६६ लाख ७४ हजार ४५८ जना संक्रमण मुक्त भएका छन् ।

पछिल्लो २४ घण्टामा मात्रै २ लाख ६८ हजार ९१८ जना संक्रमणमुक्त भएका हुन् । यस्तै, संक्रमितमध्ये १ करोड ४४ लाख ६५ हजार भन्दाबढी सक्रिय संक्रमितको विभिन्न अस्पतालमा उपचार भईरहेको छ भने ९५ हजार भन्दाबढीको अवस्था गम्भीर रहेको वल्डोमिटरमा उल्लेख छ ।

कोरोनाबाट सबैभन्दा बढी प्रभावित अमेरिकामा १ कारोड ७ लाख ८ हजार ६३० जना कोरोना संक्रमित भइसकेका छन् । संक्रमितमध्ये दुई लाख ४७ हजार ३ सय बढीको मृत्यु भएको छ भने ६६ लाख ४८ हजार भन्दा बढी निको भएका छन् ।

त्यसैगरी, भारतमा हालसम्म ८६ लाख ८४ हजार भन्दा बढी मानिस कोरोनाबाट संक्रमित भएका छन् । संक्रमितमध्ये एक लाख २८ हजार १ सय भन्दा बढीको मृत्यु भइसकेको छ भने हालसम्म ८० लाख ६४ हजार बढी निको भइसकेका छन् ।

यसैगरी, पछिल्ला केही सातायता संक्रमण दर घट्दै गएको भारतमा पछिल्लो २४ घण्टामा ४८ हजारभन्दा बढी संक्रमित भएका छन् । ब्राजिलमा कोरोना भाइरसबाट सङ्क्रमित हुनेको संख्या ५७ लाख ४९ हजार नाघेको छ भने १ लाख ६३ हजार ४०६ जनाको मृत्यु भएको छ । संक्रमितमध्ये ५० लाख ६४ हजार ३ सय भन्दा बढी निको भएका छन् ।

 

  • २७ कार्तिक २०७७, बिहीबार प्रकाशित

  • Nabintech
  • १. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • २. माननीय ज्यू, अब लोकमानको महाअभियोग के हुन्छ ?
  • ३. सरिता गिरीको दाबी, मधेश अलग राष्ट्र हो !
  • ४. सुनिल थापा काँग्रेसको सहमहामन्त्रीमा मनोनित
  • ५. गिरिजा-प्रचण्डले अर्ज्याको गणतन्त्रमा ओलीराज !
  • ६. जो वाइडेन गाह्रो अवस्थामा पेन्सिलभेनिया र नर्थ क्यारोलिना जित्नै पर्ने दबाबमा
  • ७. अभिभावकद्वारा गाउँपालिका र विद्यालयमा तालाबन्दी
  • ८. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ९. अपाङ्गता भएका व्यक्तिहरुले दैनिक सार्वजनिक स्थलहरुमा विभेद र समस्या भोगीरहेका छन्-डा. कोइराला
  • १०. आमालाई उभ्याई, आफू बसेर टिका थापेको भन्दै सामाजिक संजालमा राष्ट्रपति भण्डारीको आलोचना