काठमाडौं । हालसम्म नेपालमा कुल सङ्क्रमितको संख्या दुई लाख २० हजार ३०८ पुगेको छ । पछिल्लो चौबिस घण्टामा कोरोनाभाइरसका १ हजार ६ सय ६९ जना सङ्क्रमित थपिएका छन् ।
मन्त्रालयका प्रवक्ता डा जागेश्वर गौतमले आइतबारको प्रेस ब्रिफिङमा थप १६ जनाको मृत्यु भएको जानकारी दिएका छन् । हालसम्मा १ लाख ९९ हजार २४ जना निको भएको बताएको छ । हालसम्म कोरोनाबाट मृत्यु हुनेको संख्या १ हजार ३ सय २१ पुगेको छ । पछिल्लो २४ घण्टामा काठमाडौं उपत्यकामा ९ सय ५७ जना कोरोना संक्रमित थपिएका छन्।