काठमाडौं । नेपाली कांग्रेसका केन्द्रीय सदस्य तथा युवा नेता धनराज गुरुङले कांग्रेस सभापति शेर बहादुर देउवा र प्रधानमन्त्री खड्ग प्रसाद शर्मा ओलीको भेटलाई लिएर कडा आपत्ती जनाएका छन् । उनले ट्वीट गर्दै भनेका छन्, यदी (संचार माध्यम) मा आएको समाचार सत्य हो भने कांग्रेसले नेकपसँग सती जानु हुदैन् ।
उनले भने, नेपाली कांग्रेसलाई ५ वर्षका लागि प्रतिपक्षमा रहेर काम गर्ने जानदेश दिएको छ । यस विपरित जान नहुने जिकीर गरेका छन् । नेकपाको सत्ताको खिचातानीमा कांग्रेसलाई सहभागी नहुन उनले चेतावनी समेत दिएका छन् ।
देउवा र ओलीको भेटलाई नयाँ सत्ता समिकरणको साँटगाँठको रुपमा हेरिएको छ । नेपाली कांग्रेसभित्र यस विषयलाइ लिएर निकै आलोचना भइरहेको छ ।
श्रद्धेय सभापति @DeubaSherbdr ज्यु! यदि यो समाचार सत्य हो भने म विनम्रताका साथ अनुरोध गर्न चाहन्छु “कांग्रेसलाई ५ बर्षको लागि प्रतिपक्षमा रहेर कार्य गर्ने जनादेश छ। नेकपाको सत्ता-भाँडभैलोमा सहभागी भएर नेकपासँगै कांग्रेस सती जानु हुँदैन। जय नेपाल!” https://t.co/lbBaBbqjRB
— Dhan Raj Gurung (@dhanrgrg) November 22, 2020
