काठमाडौं । नेपाल सुपर लिग फ्रेञ्चाइज कप फुटबल प्रतियोगितामा धनगढीले पराजय भोगेको छ । काठमाडौं रेजर्स प्रथम फुटबल कपमा काठमाडौंले विजय हासिल गरेको छ । उपाधिसँगै काठमाडौं रेजर्सले ३५ लाख रुपियाँ र ट्रफी हात पारेको छ ।
धनगढी एफसीले १५ लाख रुपियाँबाट पुरस्कृत सहित दोस्रो स्थानमा चित्त बुझाएको छ । त्रिपुरेश्वरस्थित दशरथ रङशालामा आज सम्पन्न खेलमा काठमाडौंले धनगढीमाथि १–० को जित हात पार्यो ।
काठमाडौंले फाइनलमा जितसँगै लिग चरणमा ०–३ र पहिलो प्ले अफमा १–२ ले धनगढीसँग बेहोरेको हारको बदला समेत पुरा गर्यो । काठमाडौंको जितमा विदेशी खेलाडी मेसौके ओलुमोउले गर्नुभएको एक मात्र गोल नै उपाधि दिलाउन पर्याप्त भयो । उहाँले पहिलो हाफको २१ औं मिनेटमा गोल गरेका थिए ।
बैशाख ११ बाट सुरु भएको प्रतियोगिताको लिग चरणमा २१ खेल, दुई प्ले अफ र एक एलिमिनेटर र एक फाइनल गरी कुल २५ खेल खेलाइएको छ ।
एमाले विवाद मिलाउन कार्यदलः बादल परेनन्
