अर्जेन्टिना कोपा अमेरिकाको फाइनलमा प्रवेश

आजभोलि

काठमाडौं । अर्जेन्टिना कोपा अमेरिका फुटबल प्रतियोगिताको फाइनलमा प्रवेश गरेको छ । अर्जेन्टिनाले कोलम्बियालाई पराजित गर्दै फाइनल प्रवेश गरेको हो । खेलमा अर्जेन्टिनाले लिएको अग्रता जोगाउन नसक्दा खेल टाइब्रेकरसम्म पुगेको हो । निर्धारित ९० मिनेटको खेलमा १–१ गोलको बराबरी भएको थियो ।

लौटारो मार्टिनेजको गोलबाट अर्जेन्टिनाले अग्रता लिएको थियो ।  लियोनल मेस्सीले डिबक्सभित्र उपलब्ध गराएको पासमा मार्टिनेजले सातौं मिनेटमै गोल गरेका थिए । ६१ औं मिनेटमा लुइस डियाजको गोलमार्फत कोलम्बियाले बराबरी गोल गर्यो । त्यसपछि गोल भएन र खेल टाइब्रेकरमा पुग्यो । जसमा अर्जेन्टिनाले ३–२ ले बाजी मार्यो ।

टाइब्रेकरमा कप्तान मेस्सी, लौटारो र लियान्द्रो डानियल पेरेडेसले गोल गरेका थिए । रोड्रिगो डी पाउल गोल गर्न चुके । कोलम्बियाका हुँवा काउड्राडो र मिगुएल बोरजाले मात्र गोल गर्न सके । सन् २०१६ पछि पहिलो पटक अर्जेन्टिना कोपा अमेरिकाको फाइनलमा पुगेको हो ।

अब अर्जेन्टिनाले उपाधिका लागि ब्रजिलसँग प्रतिस्पर्धा गर्दै छ । ब्रजिलले सेमिफाइनलमा चिलीलाई १–० गोल अन्तरले हराउँदै फाइनलमा प्रवेश गरेको हो । फाइनल खेल जुलाई ११ तारिख बिहान ५ः४५ बजे शुरु हुनेछ ।

 

  • २३ असार २०७८, बुधबार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ३. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ४. गिरिजा-प्रचण्डले अर्ज्याको गणतन्त्रमा ओलीराज !
  • ५. सरिता गिरीको दाबी, मधेश अलग राष्ट्र हो !
  • ६. नेकपा अर्थात् गफाडी क्लब !
  • ७. फेमिली पिस एसोसिएसन नेपालद्वारा अध्यात्म ज्ञान ओलम्पियाड आयोजना हुँदै
  • ८. स्ववियु निर्वाचन र नेविसघंको भूमिका
  • ९. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • १०. अनुभूतिः मेडीसिटी अस्पताल की पाँचतारे होटल ?