काठमाडौं । नेपाली कांग्रेसका सभापति तथा प्रधानमन्त्री शेरबहादुर देउवाले सरकारी निवास बालुवाटारमा अबदेखि पार्टीको बैठक नराख्ने बताएका छन् । यसअघि नेकपा एमालेका अध्यक्ष केपी शर्मा ओली आपूm प्रधानमन्त्री हुँदा पार्टीका लगभग सबैजसो बैठक बालुवाटारमै राखेका थिए ।

सरकारी स्रोतसाधनको दुरुपयोग गर्दै सरकारी निवासमै नेकपा र एमालेका बैठक राख्ने गरेकाले अध्यक्ष ओलीको सर्वत्र आलोचनाले घेरिएका थिए । नेपाली कांग्रेसका सभापति शेरबहादुर देउवा प्रधानमन्त्री बनेपछि पार्टीको कुनै पनि बैठक सरकारी निवास बालुवाटारमा नराख्न गगन थापा लगायतलगायतका सांसद् तथा नेताहरूले सुझाएका थिए ।

पार्टीका नेताहरूको सुझावलाई मध्येनजर गर्दै प्रधानमन्त्री देउवाले पार्टीका बैठक बालुवाटारमा नराख्ने निर्णय गरेका नेता एनपी साउँदले जनाएका छन् । उक्त कुरा साउँदले सामाजिक सञ्जाल फेसबुकमा लेखेका छन्, ‘उत्कृष्ट निर्णय !

सम्माननीय प्रधानमन्त्री शेरबहादुर देउवाज्यूको ऐतिहासिक निर्णय, पार्टीका बैठक बालुवाटारमा नराख्ने । जय नेपाल !’ प्रधानमन्त्री देउवाले बालुवाटारमा पार्टी बैठक नराख्ने निर्णय गरेपछि उनको सर्वत्र प्रशंसा भएको छ ।