काठमाडौं । वरिष्ठ कलाकार, प्राज्ञ उत्तम नेपालीको निधन भएको छ । ८५ वर्षीय नेपालीको आज बिहान महाराजगञ्जस्थित टिचिङ अस्पतालमा निधन भएको हो । उनी मुटु र श्वासप्रश्वाससम्बन्धी समस्यासँग जुधिरहेका थिए ।

उनका दुई छोराछोरी अमेरिकामा रहेकाले उनीहरू आइसकेपछि पशुपति आर्यघाटमा अन्तिम संस्कार गरिने पारिवारिक स्रोतले जनाएको छ । आमा फिल्ममा अभिनयसमेत गरेका उनले गीत, कवितासमेत लेखेका छन् । उनले २०३३ सालमा कविता र कविसहित कला सिर्जना गरी पृथक् प्रदर्शनीको परिचय दिएका थिए ।