काठमाडौं, २ भदौ । अफगानिस्तानबाट उद्दार गरिएका थप ७२ नेपाली स्वदेश आइपुगेका छन् । उनीहरु आज बिहान ९ः१५ बजे कतार एयरवेजको जहाजबाट त्रिभुवन अन्तर्राष्ट्रिय विमानस्थल ओर्लिएका हुन् ।
अफगानिस्तानबाट लण्डन पु¥याइएका उनीहरुलाई त्यहाँबाट दोहा हुँदै कतार एयरवेजको जहाजबाट आज बिहान काठमाडौँ ल्याइएको हो । सो जानकारी नेपाल नागरिक उड्डयन प्राधिकरणका प्रवक्ता राजकुमार क्षेत्रीले गराएका हुन् ।
“यसरी आएका उनीहरुलाई होल्डिङ सेन्टरमा राखेर कोरोना परीक्षणलगायत प्रक्रिया पूरा गरी घर पठाइने छ”, उनले बताए । हिजो मंगलबार दुई पटक गरी २०५ जनालाई नेपाल ल्याइएको थियो । उनीहरुलाई जजिरा एयरलाइन्सको चार्टर्ड विमानबाट दिउँसो ११८ र राति ८७ नेपाली स्वदेश ल्याइएको हो ।
