काठमाण्डौं। चर्चित नायिका करिश्मा मानन्धर गत वुधवारदेखि सुरू भएको कक्षा १२ को परीक्षा दिन जुटेकी छन् । गोदावरी निवासी नेपाली सिने जगतकी गहना ठानिने नायिका मानन्धर २ वर्ष देखि स्थगित कक्षा १२ को परीक्षा दिन जुटेकी हुन्।
पाको उमेर भएपछि स्कुले पढाइ थालेकी उनले पढ्न मन र जाँगर भए उमेरले छेकिन्न भन्ने प्रेरणाको स्रोत वनेकी छन् । करिश्माले १२ को परीक्षा गोदावरीस्थित किटनी माविबाट दिइरहेकी छिन्।
स्कुल ड्रेस लगाएर उनी परीक्ष दिन अन्य परीक्षार्थी झैं जाने गर्दछिन् । कोरोना त्रास यथावतै रहेकाले मास्क र स्कुले ड्रेस लगाएर परीक्षा दिन गएकी करिश्माले ढिलै भएपनि परीक्षा दिन पाइएकोमा खुशी ब्यक्त गरेकी छन् ।
