काठमाडौं । गायक अलिफ खानको स्वरमा छाँया भेटाइदेउ बोलको गीतको भिडियो सार्वजनिक भएको छ । नेपाली संगीत बजारमा अदृस्य संगीतकार तथा गायक प्रभावन जे को शब्द संगीत र प्रस्तुतिमा यो गीत सार्वजनिक भएको हो ।
यस गीतमा संगीत संयोजन प्रभावन जे कै रहेको छ भने सन्जिब बराइलीले गितार, गोपाल घतानीले बाँसुरी, भुवन गन्धर्वले ढोलक, तबला, डफ आदि रिदम को कार्य गरेका छन् । त्यसैगरी युवा सारंगी बादक मनिष गन्धर्वले सारंगी को आवाज भरेका छन् ।
डि ए आर मुभिज अफिसिअल च्यानलबाट डिसजटल बजारमामा आएको गितको रेकर्ड एक्शन स्टुडियो नेपालमा भएको हो, मिक्सिंग मस्टरिङ गोबिन्द सोनीको रहेको छ भने भिडियोको छायांकन ज्ञानेन्द्र शर्मा हुमागाईंले गरेका हुन् । कृष्ण गौतमले सम्पादन गरेका छन् । भिडियोको निर्देशन प्रभावन जे स्वयंले गरेका हुन् ।
