मुख्य समाचारराजनीतिसमाचारसमाज

विन्दवासनी गाउँपालिकाका अध्यक्ष कानु सहितका पदाधिकारीको सपथग्रहण सम्पन्न

वीरगंज । विन्दवासनी गाउँपालिकाका नवनिर्वाचित पदाधिकारी एवं सदस्यहरुको आज एक समारोहका बिच सपथग्रहण कार्यक्रम सम्पन्न भएको छ ।

विन्दवासनी गाउपालिकाको प्रमुखमा संघिय समाजवादी फोरम नेपालबाट श्रीलाल साह कानु (मोदी), उपप्रमुखमा नेपाली कांग्रेसबाट किरन देवी गुप्ता, त्यसैगरी वडा नं.१ को अध्यक्षमा नेकपा एमालेबाट सागिर मिया, वडा नं. २ मा नेकपा एमालेबाट संजय चौहान, वडा नं. ३ मा राजपाबाट सलमा खातुन, वडा नं. ४ मा नेपाली कांग्रेसबाट अनुज कुमार चौरसिया, वडा नं. ५ मा नेपाली कांग्रेसबाट सुकदेव राउत अहिरलाई निर्वाचन अधिकृत ईश्वरी प्रसाद ढकालले पद तथा गोपनियताको सपथ ग्रहण गराउनु भएको थियो ।

श्रीराधा कृष्ण चौरसिया मावि बहुअर्वाभाठा माविमा निर्वाचन अधिकृत इश्वरी प्रसाद ढकालको सभापतित्वमा भएको कार्यक्रममा नवनिर्वाचित गाउपालिकाका अध्यक्ष कानुले वडा सदस्यहरुलाई पद तथा गोपनियताको सपथ ग्रहण गराउनु भएको थियो । सपथग्रहण कार्यक्रमलाई सम्बोधन गर्नु हुदै अध्यक्ष कानुले सामाजिक सुरक्षा भत्तामा वितरण हुदै आएको रकममा थप ५ सय बृद्धि गर्ने गर्ने, गरिब, असहाय तथा जेहनदार प्रत्येक महिना १ हजारका दरले छात्रवृति दिने, छोरी जन्मेपछि ५ हजार रुपैया गाउपालिकाको खाताबाट उपलब्ध गराउने, शहिद परिवारका छोराछोरीलाई निःशुल्क शिक्षाको व्यवस्था गर्ने लगायतका प्रतिबद्धता व्यक्त गर्नु भएको थियो ।

Leave a Reply

Your email address will not be published. Required fields are marked *