काठमाडौं। नेपाल सरकारले प्रहरी महानिरिक्षक पदमा डीआइजी जय बहादुर चन्दलाई नियुक्ति गरेको निर्णय बदर गरेको छ । सरकारले जय बहादुर चन्दलाई आइजीपीमा नियुक्ति गरेपछि डीआइजी नवराज सिलवालले मुद्दा दायर गरेका थिए । त्यसको लगत्तै प्रधानन्यायधिश सुशीला कार्कीले सो निर्णय कार्यान्वयन नगर्न सरकारको नाममा अल्पकालिन अन्तरिम आदेश दिएको थियो ।
आज सर्वोच्चले पुर्ण फैसला गर्दै सरकारकाले गरेको नियुक्तिमा खोट रहेको जनाएको छ । प्रहरी नियमावली अनुसार अब नयाँ आइजीपी नियुक्त गर्न सरकारको नाममा आदेश समेत जारी गरेको छ ।
प्रधानन्यायाधीश सुशीला कार्की, न्यायाधीशहरु हरिकृष्ण कार्की, ईश्वरप्रसाद खतिवडा, डा आनन्दमोहन भट्टराई र अनिल सिन्हाको पूर्ण इजलासले सरकारको निर्णय आज बदर गरी ज्येष्ठता, कार्यकुशलता, कार्यक्षमता र उच्च अङ्क प्राप्त गर्ने प्रहरी नायब महानिरीक्षकबाट पुनः बढुवा गर्न आदेश दिएको छ ।
सरकारले कसरी अब प्रहरी महानिरिक्षक पद पूर्ति गर्छ, त्यो हेर्न बाँकी छ ।
