काठमाडौं । नेपालले एक दिवसीय क्रिकेट खेलमा नेदरल्यान्ड्सलाई जितेको छ । नेपालले १ रनले नेदरल्यान्ड्स पराजित गरेको हो । खेलको अन्तिममा कप्तान पारस खड्काले विकेट लिएपछि नेपालले एक दिवसीयको खेलमा विजय हासिल गरेको पहिलो पटक हो ।
सोमपालले पहिले ब्याटिङ गर्दै २१६ रन बनाएपछि जबाफी ब्याटिङमा उत्रेको नेदरल्यान्ड ९ विकेट गुमाउँदै २१५ रनमा सीमित भएको हो ।
नेदरल्यान्डसलाई पराजित गर्ने क्रममा नेपालका लागि सन्दीप लामिछानेले १० ओभर बलिङ गर्दै ३ विकेट लिए । त्यसैगरी आठ ओभर बलिङ गरेका ललित भण्डारीले २ र ९ ओभर बलिङ गरेका सोमपाल कामीले १ विकेट लिए ।
सोमपालले ६१ रनको शानदार पारी खेल्दा कप्तान पारसले पनि ५१ रनको अर्धशतकीय पारी खेलेर नेपाललाई मजबुत अवस्थामा पुर्याएका थिए । नेपालका जितमा ब्याटिङतर्फ सोमपाल कामी र कप्तान पारस खड्काले प्रभावशाली प्रदर्शन गरे ।
