अविरल बर्षा सँगै आएको पहिरोले घर बगाउँदा गुल्मीमा दश जनाको मृत्यु भएको ।

पहिरोमा परेर एकै घरका ८ जनाको मृत्यु भएको छ । जिल्लाको सत्यवती गाउँपालिकाको वडा ३ ठूलोलुम्पेकको ८ जना र वडा ४ लिम्घामा २ जनाको मृत्यु भएको हो । दुई जना बेपत्ता छन् ।

मृत्यु हुनेहरुमा ६५ वर्षिया छल्ली विक, २८ वर्षिया पम्फा विक १२ वर्षिया अंजली बिक, १० वर्षिय हेमन्त बिक, रुपा बिक, सिवानी बिक, निर्मला बिक र हिमान्सु बिक रहेका छन् ।

त्यस्तैगरी ठूलोलुम्पेक कसिन डाँडामा पहिरोमा पुरिएर ३२ वर्षिया तिलकुमारी त्रामु, ९ वर्षीय दर्शन त्रामुको मृत्यु भएको हो ।
सोहि वडामा रुद्र बिकको घर बगाउँदा ४० वर्षिया मायाँ बिक र १६ वर्षिय गबि बिक बेपत्ता भएका छन् । पहिरोमा पुरिएर २ जना घाइते भएका छन् । सत्यवति ४ का १० वर्षिय करिश्मा त्रामु र १३ वर्षिय धनि त्रामुको घाइते भएको प्रहरीले जनाएको छ ।

गएरातिदेखि परेको अबिरल वर्षाका कारण घरमाथिबाट पहिरो जाँदा घरमा सुति रहेकाहरुको मृत्यु भएको हो ।