कोरोना त्रास बढेसँगै उपभोक्ता घटेपछि कालिमाटी तरकारी बजार अचेल सुनसान देखिन थालेको छ ।

मंगलबारदेखि जारी लकडाउनका कारण उपत्यकाको तरकारीको थोक बिक्रि केन्द्र रहेको कालिमाटी बजारम अधिकांश तरकारी तथा फलफूल कुहिन थालेका छन् ।

बिहान २ बजे देखि ६ बजे सम्म खरिद बिक्रि गर्न निश्चित समय तोकिए पछि काठमाडौँ आएको तरकारी राम्रो सँग बिक्रि भएको छैन । रामो सँग बिक्रि नभएको हरियो तरकारी कुहिएर फाल्नुपरे पछि काठमाडौँ महानगरले कीटनासक औषधी छर्कनु परेको छ ।

स्थानीय किसानको तरकारी बजार आउन नपाएको तर भारतबाट आउने तरकारी निर्वाध बजार सम्म आएको स्थानीय बिक्रेताले गुनासो पनि गरेका छन् । तरकारी कुहिएर जान थालेपछि मूल्य बढेको छ ।

कुहिएर बाँकी रहेको तरकारी बाट परलमोल उठाउन बिक्रेताले मूल्य बढाएको ग्राहकले गुनासो गरेका छन् । यता तरकारी उत्पादक किसान, बिक्रेता र ग्राहक बीच सम्बन्ध टुट्नका साथै किसानको तरकारीजन्य उत्पादन खेतबारी तथा टनेलमा नै छन् ।