काठमाडौं, २ भदौ । अविरल वर्षका कारण गएराति मेलम्ची नदीमा आएको बाढीले फेरि तीन घर बगाएको छ । मेलम्ची–६ नेपाने बगरमा रहेको तीनवटा घर बगाएको स्थानीय भीमसेन थापाले जानकारी गराएका हुन् ।

उनले स्थानीयवासी कृष्णबहादुर, भोजबहादुर र दिपेश थापाको घर बगाएको जानकारी दिएका हुन् । बाढीका कारण अन्य घर र बाटोसमेत जोखिममा रहेको बताइएको छ । यी घर यसअघिको बाढीले जोखिममा रहेका र सामान तथा मानिस अन्यत्र सरिसकेको जिल्ला प्रहरी कार्यालयका सूचना अधिकारी प्रहरी नायब उपरीक्षक दक्षकुमार बस्नेतले जनाएका हुन् ।

गत साउन १६ पछि आएको बाढीले मात्रै सिन्धुपाल्चोको मेलम्ची क्षेत्रका १११ घरटहरा बगाइसकेको छ । गत असार १, साउन १६ यता निरन्तर गएको बाढीले पाँच जनाको मृत्यु, छ घाइते र २० बेपत्ता भएका छन् । योसँगै मेलम्ची नदी तटीय क्षेत्रका सयौँ घर, खेत, पुल तथा सडक अभैm जोखिममा रहेका छन् ।