काठमाडौं । लमजुङ जिल्लाको मस्र्याङ्दी गाउँपालिका–९ स्थित एक घरमा आगलागी हुँदा एक दम्पत्तिको मृत्यु भएको छ । आगलागी हुँदा ५६ वर्षीय धर्मराज भण्डारी र उनकी श्रीमती ४५ वर्षीय पशुपति भण्डारीको गएराति जलेर मृत्यु भएको खुदी प्रहरीले जनाएको छ ।

प्रहरीका अनुसार दुवै जना बढी मादक पदार्थ सेवन गर्ने र ग्यासबाट चुरोट सल्काउने गर्दथे । त्यही समयमा ग्यास लिग भएर आगलागी भएको हुनसक्ने पनि प्रहरीले आशंका गरेको छ ।

यसैगरी १०÷१५ दिनअघि मात्रै बढी मादक पदार्थ सेवन गर्ने गरेकाले दुवै जना सुधार केन्द्रमा बसेर घर फर्किएको जनाइएको छ । ढुङ्गामाटाको गाह्रो र जस्तापाताको छानो भएको धन्सार जस्तो एकतले घर जलेर नष्ट भएको छ ।

घरभित्र रहेका केही पनि सामान निकाल्न नभ्याएको प्रहरीले जनाएको छ । त्यहाँका घरहरू पनि टाढाटाढा छन् । प्रहरीले ढिलो खबर पाएकाले समयमै पुग्न नसकेको बताएको छ ।

के कति भौतिक क्षति भयो भन्नेबारे यकिन भइनसकेको प्रहरीको भनाइ छ । धर्मराज पूर्वगोरखा सैनिक रहेको स्थानीयको भनाइ छ ।