काठमाडौं । ट्याक्टर आगजनीको आरोपमा फरार अभियुक्त रहेका कैलाली क्षेत्र नम्बर–२ बाट निर्वाचित सांसद अरुणकुमार चौधरी प्रहरीले नियन्त्रणमा लिएको छ ।
ट्याक्टरमा आगजनी गरेको आरोपमा उनीमाथि कैलाली जिल्ला अदालतले ६ महिना कैद सजाय र ८ लाख १९ हजार रुपैयाँ जरिवाना तिराउने फैसला सुनाएको थियो। अदालतको आदेशअनुसारको सजाय नभोगी फरार रहेका उनलाई बिहीवार बाँकेबाट पक्राउ गरिएको प्रहरी स्रोतले बताएको छ ।
कैलाली– २ बाट प्रतिनिधिसभा सांसद बनेपछि उनले पुरानो सजाय भुक्तान नगरेको खुलासा भएको थियो ।
प्रहरीका अनुसार उनलाई दिउँसो साढे २ बजे बाँकेबाट पक्राउ गरी कैलाली लैजाँदै गरिएको छ ।
