काठमाडौं । नेपाल राष्ट्र बैंकका गभर्नर महाप्रसाद अधिकारीको मुद्दाको सुनुवाई आज बिहीबार ‘हेर्न नभ्याइने’ मा परेको छ ।
बिहीबार न्यायाधीशद्वय प्रकाशकुमार ढुंगाना र कुमार चुडालको संयुक्त इजलासमा पेशी तोकिए पनि हेर्न नभ्याउनेमा परेको हो ।
तत्कालीन अर्थमन्त्री जनार्दन शर्माले पदबाट निलम्बन गरेपछि अधिकारी रिट लिएर सर्वोच्च अदालतमा पुगेका थिए ।
उनलाई तत्कालीन मन्त्री शर्माले त्यतिबेला विलासी वस्तुको आयात रोक्नेलगायतका नीतिगत निर्णय गर्नुअघि गोप्य सूचना चुहाएको, सरकारलाई असहयोग गरेको र अर्थतन्त्र खराब अवस्थामा पु¥याएको आरोपमा पदमुक्त गर्ने प्रक्रिया अनुरुप छानबिन समिति गठन गरेका थिए ।
त्यसपछि नेपाल राष्ट्र बैंक ऐनअनुसार स्वतः निलम्बनमा परेका गभर्नर अधिकारी सर्वोच्चको अन्तरिम आदेशपछि पदमा फर्किएका हुन् । सोही मुद्दाको अन्तिम किनारा अभरै पनि लागिसकेको छैन ।
