बनेपा । प्रहरीले नक्कली नोटसहित एक जनालाई बनेपाबाट पक्राउ गरेको छ ।
बिशेष सूचनाको आधारमा जिल्ला प्रहरी परिसर ललितपुर र इलाका प्रहरी कार्यालय बनेपाबाट खटिएको संयुक्त प्रहरी टोलीले बनेपा नगरपालिका वडा नं ५ स्थित एच. एम मोबाइल केयर सेन्टरमा खानतलासी गरि बेथानचोक गाउँपालिका वडा नं. ३ बस्ने बर्ष २५ को सबिन हुमागाईंलाई पक्राउ गरेको हो ।
पसलबाट एक हजार दरका नक्कली नोट ६९ वटा र ५ सय दरको नक्कली नोट एक थान बरामद गरेको जिल्ला प्रहरी कार्यालय काभ्रेका प्रवक्ता डिएसपी राजकुमार श्रेष्ठले जानकारी दिए । थप अनुसन्धान तथा कारवाहीको लागि जिल्ला प्रहरी परीसर कार्यालय ललितपुरमा पठाइएको प्रहरीले जनाएको छ ।
उनको साथबाट कलर प्रिन्टर एक वटा, ल्यापटप एक वटा, आइफोन एक वटा र पैसा प्रिन्ट गर्ने फोटोकपी पेपर एक रिमसमेत बरामद गरेको प्रहरीले जनाएको छ ।
