काठमाडौँ । नेपाली काँग्रेस संसदीय दलको नेतामा पार्टी सभापति शेरबहादुर देउवा विजयी भएका छन् । सोमवार भएको निर्वाचनमा देउवाले ४४ मत ल्याएर विय भएका हुने । उनका प्रतिद्वन्द्वी प्रकाशमान सिंहले १९ मत ल्याएका थिए ।

निर्वाचनमा देउवाले कूल ६३ मतमध्ये ४४ मत ल्याएर विजयी भए भने उहाँका प्रतिद्वन्द्वी प्रकाशमान सिंहले १९ मत प्राप्त गरेर उपविजेता भएका छन् ।

कूल २७५ सदस्यीय प्रतिनिधिसभामा काँग्रेसका प्रत्यक्ष निर्वाचित २३ र समानुपातिक ४० गरी ६३ जना सांसद छन् ।

यो निर्वाचनसँगै नेपाली कांग्रेसभित्रको समिकरण बदलिएको छ । महामन्त्री शशांक कोइराला तथा कृष्ण प्रसाद सिटौला समूह देउवा क्याम्प पुगेका छन् । महामन्त्री कोइराला सहमतिद्वारा दलको नेता चुन्नेमा जोड दिदै आइरहेका थिए । पछिल्लो पटक सभापति देउवा पनि वरिष्ठ नेता रामचन्द्र पौडेल पक्षलाई उपनेता दिएर पनि सहमतिमा सर्वसम्मत नेता बनाउने पक्षमा थिए । तर पौडल पक्षधर नेताहरु भने सहमति आउन मानेन् । जसले प्रकाशमान सिंहलाई नेतामा उठाएर देउवासँग प्रतिस्प्रर्धा गराउनेमा लगि परेका थिए ।

योसँगै कांग्रेस भित्रको तेस्रो धार मानिएको सिटौला समूह पनि देउवा टिममा विलय भएको छ । र पौडेल टिममा रहेका भनिए महामन्त्री पनि सभापति देउवासँग देखिएपछि अब समिकरण बदलिएको छ । यसले कांग्रेसभित्र पौडल समूह कमजोर हुँदै गएको जनाइएको छ ।