गोपीकृष्ण भट्टराई । बस्टन (अमेरिका) । कोरोनाका कारण मृत्यु हुनेहरूको संख्या र संक्रमितको संख्यामा बढोत्तरी भइरहेपनि अमेरिकाका विभिन्न शहरहरूमा लकडाउन विरूद्दका प्रदर्शनहरू भएका छन् । 

विभिन्न राज्यहरूमा संकटकाल र स्टे एट होम अडर जारी भएपछि मानिसकहरू त्यसको विरोधमा सडकमा आएका हुन् । आफ्नो जिवनयापनमा असर परेको भन्दै उनीहरू सडकमा आएका हुन् । प्रदर्शनकारीहरू बन्दुक सहित विरोधमा उत्रेका छन् । यद्यपी स्वास्थ्यकर्मीहरूले लकडाउन हटाए कोरोना भाइरसको संक्रमण फैलने चेतावनी दिएका छन् ।

अमेरिकाको मिचिगन, ओहायो, नर्थ क्यारोलिना, मिनिसोटा, उत्था, भर्जिनिया र केन्टकीमा प्रदर्शन भएका हुन् । प्रदर्शन भएको मिचिगनमा कोरोनाको कारण मृत्युहुने प्रतिशत अन्य राज्य भन्दा बढी रहेको छ ।

शुक्रबार (आज) राष्ट्रपति ट्रम्पले ट्विट गर्दै सडकको विरोध प्रदर्शनलाई समर्थन गरेका छन् । राष्ट्रपति ट्रम्पले क्यापिटल लेटरमा ट्विट गरेका छन् ।

प्रदर्शन भएका धरैजसो राज्यमा डेमोक्रेटले दलको सरकार छ । उत्था र ओहायोमा रिपब्लिकन दलको सरकार छ ।

ओरेगन, आइडो र टेक्सासपनि लकडाउनको विरोधमा प्रदर्शनको तयारी भैरहेको यहाँका विभन्न संचारमाध्यमले जनाएका छन् ।

अमेरिकामा कोरोनाको सबैभन्दाबढी संक्रमित र मृत्यु हुनेको संख्या रहेको छ । यो समाचार तयार गर्दासम्म संक्रमित हुनेको संख्या ६ लाख ८६ हजार ६ सय २० र मृत्यु हुनेको संख्या ३१ हजार ५ सय १४ रहेको छ । यसरी मृत्यु हुनेमा कम्तीमा ५ जना नेपालीसमेत रहेका छन् ।