विश्वव्यापी रुपमा फैलिएको कोरोना भाइरसका कारण मृत्यु हुनेको संख्या २ लाख ३९ हजार ५ सय ७० पुगेको छ ।
चीनको वुहानबाट गत डिसेम्बर अन्तिमबाट शुरु भएको कोरोनाको महामारीबाट ३४ लाख २ सय भन्दाबढी मानिस संक्रमित भएका छन् ।
विश्वका २ सय १२ मुलुक र २ वटा पानीजहाजमा फैलिएको कोरोना भाइरसको संक्रमणमा परेका १० लाख ८१ हजार १ सय ५६ जना मानिस उपचारपछि निको भएर घर फर्किएका छन् ।
संक्रमित मध्य २० लाख ७९ हजार ५ सय ५२ जनाको विभिन्न अस्पतालमा उपचार भइरहेको छ । उपचाररतमध्ये ५१ हजार ३ सय ५५ जनाको अवस्था गम्भीर रहेको वल्डोमिटरले जनाएको छ ।
हालसम्म अमेरिकामा सबैभन्दा बढीको मृत्यु भएको छ । अमेरिकामा मात्र कोरोनाका कारण ६५ हजार सात सय भन्दा बढीको मृत्यु भएको छ भने ११ लाख ३१ हजार भन्दा बढी मानिस संक्रमित भएका छन् ।
दक्षिण अमेरिकी मूलुकहरुमा १ लाख ९० हजार ९९ जनामा संक्रमण देखिएको छ । ९ हजार ४ सय ८० जनाले ज्यान गुमाएका छन् । ६३ हजार ९०५ जना निको भएका छन् भने १ लाख १६ हजार ७१४ जना उपचाररत छन् । ९ हजार ८१२ को अवस्था गम्भीर छ ।
अफ्रिकी राष्टमा ४१ हजार ४४६ संक्रमित भएका छन् । १ हजार ६ सय १ जनाले ज्यान गुमाएका छन् । त्यस्तै अस्ट्रेलियासहित ओसिनियाका मुलुकहरुमा ८ हजार ३४८ जना संक्रमित भएका छन् । ११२ जनाको मृत्यु भएको छ ।
अमेरिकामा संक्रमितमध्ये १ लाख ६१ हजार ५ सय ५१ जना उपचारपछि निको भएका छन् । उपचार गराइरहेका ९ लाख ३ हजार ७१४ जनामध्ये १६ हजार ४८१ जनाको अवस्था गम्भीर रहेको छ ।
