काठमाडौँ । नेपालमा कोरोना संक्रमणबाट मृत्यु हुनेको संख्या १ हजार ३४ पुगेको छ । नेपालमा कोरोना भाइरस संक्रमणबाट पहिलो पटक ३ जेठमा सिन्धुपाल्चोक बाह्रबिसे–९ राम्चेकी २९ वर्षीया सुत्केरी महिलाको मृत्यु भएको थियो । पछिल्लो छ महिनामा नेपालमा कोरोना संक्रमणबाट मृत्यु हुनेको संख्या १ हजार ३४ पुगेको हो । नेपालमा पहिलो पटक कोरोना संक्रमणबाट मृत्यु हुँदा कोरोना संक्रमितको संख्या जम्मा २ सय ८१ पुगेको थियो । स्वास्थ्य तथा जनसंख्या मन्त्रालयका अनुसार बुधबार सम्ममा नेपालमा संक्रमितको संख्या १ लाख ८२ हजार ९ सय २३ पुगेको छ । पछिल्लो २४ घण्टामा ३० जनाको मृत्यु भएको छ ।