काठमाडौं । नेपालमा अहिलेसम्म २ लाख ३० हजार ५३७ जना कोरोना सङ्क्रमित निको भइसकेका छन् । यो कूल कोरोना संक्रमण भएका मध्य ९४.३२ प्रतिशत हो । नेपालमा कुल सङ्क्रमितको संख्या दुई लाख ४४ हजार ४३३ पुगेको छ ।
स्वास्थ्य तथा जनसंख्या मन्त्रालयका अनुसार चौबीस घण्टामा १ हजार ४८३ जना सङ्क्रमित निको भएका छन् ।
पछिल्लो २४ घण्टामा १ हजार ५६ जना सङ्क्रमित थपिएका छन् । थपिएका सङ्क्रमितसँगै हाल १२ हजार २४५ जनामा भाइरसको सङ्क्रमण सक्रिय छ । मन्त्रालयका अनुसार मन्त्रालयले हाल ५ सय २५ जना क्वारेन्टिनमा रहेको जनाएको छ ।
पछिल्लो चौबीस घण्टामा १४ जना सङ्क्रमितको मृत्यु भएको उल्लेख गरेको छ ।
