काठमााडौं । स्वास्थ्य तथा जनसंख्या मन्त्रालयले आइतबार सूचना जारी गदै सभा जुलुस गर्नमा रोक लगाएको हो । कोरोना संक्रमण दर बढ्न थालेपछि सरकारले सभा, जुलुस र भेला नगर्न अनुरोध गरेको छ ।
भारतमा कोरोना भाइरस संक्रमण दर बढेपछि नेपालमा पनि संक्रमण फैलिने सक्ने जोखिम उच्च रहेको भन्दै स्वास्थ्य तथा जनसंख्या मन्त्रालयले यस्तो निर्णय गरेको हो । छिमेकी देश भारतमा केही हप्तादेखि कोरोना संक्रमण बढेकाले नेपालमा पनि संक्रमण बढ्न सक्ने जनाएको छ ।
मन्त्रालयले संक्रमणबाट जोगिन साबुन पानीले हात धुने र सेनिटाइजरलगायत जनस्वास्थ्यको मापदण्ड पालना गर्न सर्वसाधारणलाई आग्रह समेत गरेको छ । यस्तै, सामाजिक तथा भौतिक दूरी प्रयोग गर्न र अनिवार्य रूपमा मास्क प्रयोग गर्न पनि स्वास्थ्य तथा जनसंख्या मन्त्रालयको वक्तव्यमा जनाइएको छ ।