काठमाडौं । पछिल्लो चौबीस घण्टामा कोरोनाभाइरसका पाँच हजार ७ सय ६ जना सङ्क्रमित थपिएका छन् । १४ हजार ९ सय ६९ जनाको आरटीपीसीआर परीक्षण गरिएकोमा पाँच हजार ७सय ६ जनामा सङ्क्रमणको पुष्टि भएको हो । सो अवधिमा १९ जनाको मृत्यु भएको छ ।
मन्त्रालयले पछिल्लो चौबीस घण्टामा १ हजार २ सय ८७ जना सङ्क्रमित निको भएको उल्लेख गरेको छ । स्वास्थ्य तथा जनसङ्ख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा थपिएका सङ्क्रमितसँगै कुल सङ्क्रमितको सङ्ख्या तीन लाख २८ हजार ८९३ पुगेको जनाएको छ ।
मन्त्रालयका अनुसार हाल ४३ हजार २१३ जनामा भाइरसको सङ्क्रमण सक्रिय छ । पछिल्लो चौबीस घण्टामा ५६६ जनाको एन्टीजेन परीक्षण गरिएकोमा ५७ जनामा पोजेटिभ पाइएको छ ।
हालसम्म दुई लाख ८२ हजार ३८२ जना कोरोनामुक्त भएका छन् ।
हालसम्म कोरोना सङ्क्रमणले नेपालमा तीन हजार २ सय ९८ जनाको मृत्यु भएको छ । हाल ४३ हजार २ सय १३ जना आइसोलेशनमा छन् ।
