कैलाली । पछिल्लो २४ घण्टामा सुदूरपश्चिम प्रदेशमा मात्र १ हजार ५७ जनामा कोरोना भाइरसको संक्रमण देखिएको छ ।

बितेको २४ घण्टामा पीसीआर र एन्टिजेन विधिबाट २ हजार १ सय ९६ जनाको नमुना परीक्षण गर्दा लगभग ५० प्रतिशत अर्थात् १ हजार ५७ जना संक्रमित भएका छन् । हालसम्म संक्रमितको संख्या ३० हजार ४ सय २० पुगेको छ ।

वितेको २४ घण्टामा २१ जना संक्रमितको मृत्यु भएको छ । जसमा सबैभन्दा धेरै कैलालीका ९ जना, कञ्चनपुरका ५ जनाको मृत्च्यु भएको छ । त्यस्तै डडेल्धुरा र बझाङ २/२ जना, बैतडी, अछाम र दार्चुलाका १/१ जनाको मृत्यु भएको छ ।

हालसम्म कोरोना संक्रमणबाट मृत्यु हुनेको संख्या ३ सय ५४ पुगेको छ ।

लकडाउनपछि सुदूरपश्चिम कोरोना अझबढी फैलिदो छ । भारतबाट आएकाहरुको परिक्षण तथा व्यवस्थापन नहुँदा कोरोना समुदायस्तरमा पुगको विज्ञहरुले बताएका छन् ।