काठमाडौं । चर्तित नायिका साम्राज्ञी राज्यलक्ष्मी शाहले नयाँ चलचित्र खेल्न लागेकी छन् । उनले लण्डनमा बसोबास गर्दै आएका कपिल रिजालको निर्देशनमा बन्न लागेको अनटाइटल प्रोजेक्ट साइन गरेकी हुन् । उक्त चलचित्रमा साम्राज्ञीको जोडीको रुपमा कलाकार जितु नेपालले भूमिका निर्वाह गर्ने भएका छन् ।
यी दुबै कलाकारले चलचित्रका लागि लिखित संझौता गरिसकेका छन् । भदौ १५ बाट चलचित्रको छायांकन गर्ने लक्ष्य निर्माणपक्षले लिएको छ । चलचित्रको छायांकन काठमाडौं र पोखराको विभिन्न स्थानमा हुनेछ । चलचित्रमा कलाकार विजय बरालको पनि अभिनय रहन छ । चलचित्र ‘ड्रिम्स’मा लगानी गरेका कपिलले यही चलचित्रमार्फत निर्देशनमा डेब्यू गर्न लागेका छन् ।