काठमाडौं । नेपाली बजारमा आज फेरि सुनको मूल्य बढेको छ । आइतबार ओरालो लागेर सोमबार स्थिर भएको सुनको मूल्य मंगलबार फेरि बढेको हो ।

नेपाल सुनचाँदी व्यवसायी महासंघका अनुसार आइतबारको तुलनामा आज सुनको भाउ प्रतितोला ९०० ले बढेको छ । आज छापावाल सुन प्रतितोला १ लाख १२ हजार ५०० मा कारोबार भइरहेको छ भने तेजाबी सुनको मूल्य १ लाख ११ हजार ९५० रुपैयाँ कायम भएको महासंघले जनाएको छ ।

त्यसैगरी, आज चाँदीको भाउ पनि बढेको छ । चाँदीको मूल्य आज १ हजार ४२० रुपैयाँ कायम भएको छ । चाँदी अघिल्लो दिनको तुलनामा प्रतितोला ५ रुपैयाँ बढेको हो ।