काठमाडौं । १६ औं पटक अनशनरत डा. गोविन्द केसीले प्रधानमन्त्री केपी शर्मा ओलीको राजीनामा माग गरेका छन् । प्रधानमन्त्रीले आफूसँग गरेको सम्झौता तोडेकाले नैतिकताको आधारमा राजीनामा दिनु पर्ने जिकीर समेत गरेका छन् ।
प्रधानमन्त्री ओलीको स्वस्थ्य अवस्था कमजोर रहेको र औषधी प्रयोग गरेको कारण उनले निर्णय गर्ने क्षमतामा समेत प्रश्न उठाएका छन् । औषधीको कारण निर्णय गर्ने क्षमता कमी आएकाले उनले उचित निर्णय लिने नसकेको जनाएका छन् ।
डा. केसी पत्रकार सम्मलेन गरी आफ्नो अनशन जारी रहने समेत बताएका छन् । सरकारले संसदको बहुमतबाट शिक्षा बिधेयक पारित गरेको छ । नेपाली कांग्रेसको अवरोधको बाबजुद सरकारले पेलेर उक्त बिधेयक पास गरेको हो ।