आईसीसी विश्वकप लिग–२ एकदिवसीय त्रिकोणात्मक क्रिकेट सिरिज अन्तर्गत नेपालले अमेरिकाविरुद्ध शानदार जित हात पारेको छ ।
बुधबार भएको सिरिजको अन्तिम खेलमा नेपालले अमेरिकालाई ८ विकेटले हराएको हो ।
। कीर्तिपुरस्थित त्रिवि क्रिकेट मैदानमा अमेरिकाले दिएको ३६ रनको सामान्य लक्ष्य पछयाएको नेपालले ५ ओभर २ बलमा दुई विकेट गुमाउँदै ३६ रन पूरा गरेको थियो । सुरुआती दुई ओभरमा आफ्नो दुई विकेट गुमाएको नेपालका लागि तेस्रो र चौथो नम्बरमा ब्याटिङ गर्न आएका पारस खड्का र दिपेन्द्र सिंह ऐरीले जित दिलाएका हुन् । नेपालका लागि पारसले २० रन बनाउँदा दिपेन्द्रले १५ रन बनाए ।
बलिङतर्फ अमेरिकाका लागि नोथुस किनजिले दुई विकेट लिएका थिए । यसअघि अमेरिका ३५ रनमा नै अल आउट भएको थियो । एकदिवसीय क्रिकेटको सबै भन्दा कम रन बराबरी गर्नै क्रकमा अमेरिकाले १२ ओभरमा सबै विकेट गुमाएर ३५ रन बनाइको थियो ।
कीर्तिपुरस्थित त्रिवि क्रिकेट मैदानमा टस जितेर पहिले बलिङ गरेको नेपालका लागि सन्दीप लामिछानेले ६ विकेट लिए भने सुशन भारीले चार विकेट लिए ।
०००
