नेपालमा कोरोना संक्रमितको संख्या १ हजार ४ सय १ पुगेको छ ।
शनिबार देशका विभिन्न प्रयोगशालामा भएको परीक्षणमा १ सय ८९ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नियमित पत्रकार सम्मेलनमा जानकारी दिए ।
राष्ट्रिय जनस्वास्थ्य प्रयोगशाला टेकुमा भएको परीक्षणमा कपिलवस्तुका ७७ जना, धनुषका ७, झापा १, ललितपुकार १ जना, महोत्तरीका ४ जना र रौतहट ६ जना, सर्लाहीका १७, सिरहाका ११ जना जनामा कोरोना पोजटिभ देखिएको छ । रुपन्देहीमा भएको परीक्षणमा ३६ जनाको पोेजेटिभ देखिएको छ ।
यस्तै, विपि कोइराला राष्ट्रिय स्वास्थ्य जिज्ञान प्रतिष्ठानमा भएको परीक्षणमा सप्तरीका ९ जना, राप्ती स्वास्थ्य विज्ञान प्रतिष्ठानमा भएको परीक्षणमा दाङमा १३ र कपिलवस्तुका ३ जना, वीरगञ्जमा भएको परीक्षणमा बाराका १ र पर्साका २ जना जना, कर्णाली स्वास्थ्य विज्ञान प्रतिष्ठानमा गरिएको परीक्षणमा दैलेखका १४ जना र विराटनगराको कोसी अस्पतालमा भएको परीक्षणमा संखुवासभाका २ जनाको पोजेटिभ देखिएको छ ।
यसैगरी नेपालमा कोरोनाभाइरस निको भएर घर फर्किने संख्या २ सय १९ पुगेको छ।
शनिबार थप १३ जना कोरोना निको भएर घर फर्किसँगै निको हुनेको संख्या २ सय १९ पुगेको मन्त्रालयले जनाएको छ ।
