एजेन्सी । मंगलबार भारतको न्यू दिल्लीमा भएको भारतीय र अमेरिकी बिदेश मन्त्रीस्तरीय बैठक सम्पन्न भएको छ । उक्त बैठकमा दुई देशबीच बेसिक एक्सचेन्स एण्ड कोअपरेशन एग्रीमेन्ट (बेका) सम्झौता भएको भारतीय संचार माध्यमले जनाएका छन् ।
बेका सम्झौतामा एक दशेकाले अर्को देशलाई अत्याधुनिक सैन्य प्रयोजनको लागि आणविक तथा अन्य सहयोग गर्ने जनाइएको छ । यो अमेरिकाको इण्डो-प्यासेफिक रणनीति अन्तरगतको नयाँ सम्झौता हो ।
उक्त बैठकमा हिन्द तथा प्रशान्त महासागरीय क्षेत्रको सुरक्षालाई थप प्रभाकारी बनाउने बारेमा पनि छलफल भएको श्रोतले जनाएको छ । चीनलाई यसले अमेरिकी रणनीतिलाइै टेवा पुग्ने भारतीय सुरक्षाविद्हरुले जनाएका छन् ।
बैठकमा भारतीय बिदेशमन्त्री जयशंकर तथा रक्षा मन्त्री राजनाथ सिंह र अमेरिकी बिदेशमन्त्री माइप पोम्पेओ तथा रक्षा मन्त्री मार्क एस्परको सहभागिता रहेको थियो ।
अमेरिकामा राष्ट्रपति निर्वाचन र भारतमा चीनसँगको सीमा विवाद बढीरहेको बेला भएका यो सम्झौताले भूराजनीतिमा ठूलो अर्थ रहेको भारतीय संचारमाध्यमले प्रचार गरी रहेका छन् ।
अमेरिकी बिदेशमन्त्री भारतसँगै श्रीलंका, माल्दीभ्स, तथा इण्डोनेशियाको भ्रमण गर्ने छन् । एशियाली अरु देशसँग संन्य गठबन्धन गरेर चीनलाई एक्ल्याउने र सैन्य दबाब सिर्जना गर्ने अमेरिकी रणनीति देखिन्छ । यो रणनीतिमा भारतले ऐक्यबद्धता जनाएको छ ।
अमेरिकाले भारतीय सैनिकलाई थप सैन्य सहयोग गर्नु भनेको चीनको बिरुद्ध भारतलाई सहयोग गर्नु हो । यो बैठकलाई भारतका संचार माध्यमले निकै प्राथमिता दिएका छन् ।
A solemn moment laying a wreath at the National War Memorial in New Delhi with U.S. Secretary of Defense @EsperDoD. We will never forget the brave men and women who have given their lives in defense of the world’s largest democracy. pic.twitter.com/xvwUdgSvlF
— Secretary Pompeo (@SecPompeo) October 27, 2020
फोटोः अमेरिकी बिदेशमन्त्री माइप पोम्पेओको ट्वीटरबाट
